Додај нов оглас
Додај нов настан

Помош и информации за преселба во Америка

Сите потребни информации за преселба во Америка на едно место!

Содржина

Помош и совети при доаѓање во Америка со GREEN CARD (DV Lottery)

Добивањето на GREEN CARD преку лотарија е голема можност, но и одговорност. За успешно преселување потребно е да се следат строго определени чекори и да се подготват соодветни документи. Сите документи треба да бидат преведени кај овластен преведувач и истите заверени на нотар.

1 чекор: По добивањето на лотаријата (DV Lottery Selection)

Откако ќе добиете известување дека сте избрани, следува:

  • Пополнување на формуларот DS-260 преку интернет (Immigrant Visa Application).
  • Чување на confirmation number и сите внесени податоци.
  • Подготовка на документи за интервју.

2 чекор: Подготовка за интервју во Амбасада на САД во Скопје

Интервјуто се одржува во Американската амбасада во Скопје. Потребни документи за секој член на семејството кој аплицира:

  • Пасош (важечки најмалку 6 месеци од датумот на патување).
  • Извод од матична книга на родени не постар од 6 месеци.
  • Уверение за државјанство.
  • Неосудуваност (Criminal Record – уверение од суд и полиција).
  • Брачни документи (венчален лист, разводни документи ако има).
  • Дипломи, сведителства и докази за завршено образование.
  • Воена книшка (ако е применливо).
  • Две фотографии според американски стандарди (5x5 см).
  • Потврда за медицински преглед (се прави во овластена клиника во Скопје пред интервјуто).
  • Документ за финансиска поддршка: Affidavit of Support (ако некој роднина или пријател гарантира) или докази за сопствени средства.
  • Доказ за платени такси ( на роднината или пријателот што гарантира за вас)
  • Доказ за уплатена такса за интервју.

3 чекор: Интервјуто во Амбасада

  • Консулот ги прегледува документите.
  • Се поставуваат прашања за вашата позадина, образование, семејство и планови.
  • Доколку е одобрена визата, во рок од неколку дена во пасошот ќе биде ставена имигрантската виза.
  • Ќе добиете и immigrant packet (запечатен коверт) кој мора да го предадете при влез во САД.

4 чекор: Патување во САД

  • Пред заминување мора да уплатите Immigrant Fee (220$) преку интернет кон USCIS – без ова не се издава GREEN CARD.
  • Со имигрантската виза во пасошот можете да патувате.

5 чекор: По пристигнување во САД

На аеродром во САД (POE – Port of Entry):

  • Му го предавате запечатениот пакет на имиграциски службеник.
  • Пасошот се печати со имигрантски печат кој важи како привремена GREEN CARD (1 година).

6 чекор: Документи по пристигнување

  • Гриин картата,стигнува по пошта на адресата што сте ја дале (обично 2–4 месеци).
  • Social Security Number (SSN) – автоматски се аплицира, пристигнува на истата адреса за 2–4 недели.
  • Driver’s License / State ID – може да аплицирате во DMV со пасош, SSN и доказ за адреса и сметка од струја.

7 чекор: Обврски и практични чекори

  • Отворете банкарска сметка.
  • Регистрирајте се за здравствено осигурување (во зависност од државата).
  • Пријавете се за работа или продолжете со образование.
  • Внимавајте да не престојувате надвор од САД повеќе од 6 месеци без валидна причина, бидејќи тоа може да влијае врз вашиот статус.

8 чекор: Насоки за децата за упис во училиште

  • Во САД, сите деца имаат право на бесплатно образование во јавни училишта. Процесот за упис е следен:
  • Одите во School District Office или директно во локалното училиште според вашата адреса.

Потребни документи: 👉 Ако не го знаете точното училиште, само ја внесувате вашата адреса на веб-страницата на School District и ќе ви покаже во кое училиште припаѓа вашето дете.

  • Извод од матична книга на родени на детето.
  • Пасош или друг документ за идентификација.
  • Доказ за адреса во САД (на пример: договор за кирија, сметка за струја или вода).
  • Вакцинален картон и медицински податоци.
  • Понекогаш бараат и претходни сведителства од Република Македонија (преведени на англиски јазик) .
  • По пријавата, училиштето го определува класот и почетокот на наставата.

9 чекор: Првите чекори за семејството

  • Отворете заедничка банкарска сметка.
  • Пријавете се за здравствено осигурување ако сакате (во зависност од државата).
  • Проверката на работни можности почнува откако ќе ги добиете SSN и Грин Картата.
  • За сопругата/сопругот важи истото – со SSN и Грин Карта може да аплицира за работа.

10 чекор: Важни информации

  • Грин Картата важи 10 години, но статусот е доживотен ако редовно престојувате во САД.
  • По 5 години (3 ако сте во брак со американски државјанин) може да аплицирате за државјанство.
  • Секогаш чувајте копии од сите имиграциски документи.

Помош при доаѓање во Америка со туристичка виза (B1/B2)

Туристичката виза (B1/B2) е најчестиот начин за краткорочен престој во САД, за туризам, посета на роднини и пријатели, деловни состаноци или медицински причини. Таа не дозволува работа или долгорочен престој, туку е строго временска виза со максимален престој од 6 месеци.

1 чекор: Аплицирање за туристичка виза од Македонија

Процесот започнува со апликација во Американската амбасада во Скопје.

Потребни чекори:

  • Пополнување на DS-160 формулар
  • Се пополнува онлајн на официјалната страница на U.S. Department of State.
  • Се внесуваат лични податоци, податоци за патување, вработување и семејство.
  • По пополнувањето, се добива confirmation page со баркод кој мора да се однесе на интервју.
  • Плаќање на такса за виза
  • Таксата е околу 185 USD (се плаќа во денарска противвредност).
  • Се плаќа во овластени банки или онлајн, според инструкциите на амбасадата.
  • Закажување термин за интервју
  • Се закажува преку системот на USTravelDocs.
  • Потребно е да се прикачи потврдата за уплата и DS-160 confirmation.

Подготовка на документи за интервју

  • Важечки пасош (важен најмалку 6 месеци по датумот на планираното патување).
  • DS-160 confirmation page.
  • Слика според американски стандарди (5x5 см).
  • Доказ за уплатена такса.
  • Документи за врски со Македонија (работа, имот, семејство) кои докажуваат дека ќе се вратите назад.
  • Понекогаш може да се достават и дополнителни документи: потврда за вработување, платни ливчиња, извод од банка, покана од роднини во САД (ако има).

2 чекор: Интервју во Американската амбасада (Скопје)

Често поставувани прашања од консулот: 

  • Зошто одите во САД?
  • Каде ќе престојувате?
  • Колку долго ќе останете?
  • Кои врски ве врзуваат со Македонија?
  • Ако апликацијата е одобрена, визата се печати во пасошот во рок од неколку дена.

⏳ Визата може да биде издадена со различно времетраење (обично 1–10 години со повеќекратен влез), но престојот во САД го одредува имиграцискиот службеник на аеродром (обично до 6 месеци).

3 чекор: Патување во САД

  • На аеродром во Македонија (или транзитна земја) се проверува пасошот со визата.
  • По пристигнување во САД, CBP (Customs and Border Protection) службеник врши дополнително интервју.
  • Се добива I-94 електронски запис со датум до кога е дозволено да останете. Овој датум мора строго да се почитува.

4 чекор: По пристигнување во САД

Со туристичка виза можете да:

  • Патувате и туристички да разгледувате.
  • Посетувате роднини и пријатели.
  • Присуствувате на деловни состаноци, конференции или медицински третмани.

Не смее да се:

  • Работи (нелегално е).
  • Се запишува редовно образование (потребна е студентска виза).

5 чекор: Важни документи во САД

  • Пасош со визата.
  • Адресата каде престојувате.

I-94 записот (се проверува онлајн и може да се испечати).

6 чекор: Важно за враќање

  • Мора да ја напуштите Америка пред истекот на дозволениот престој (I-94 датум).
  • Доколку останете подолго („overstay“), ризикувате забрана за идни влезови, црн печат и депортација.

Помош и совети при доаѓање во Америка со J-1 виза

J-1 визата овозможува престој во САД преку програми за студентска размена, практикантска работа, обука, културен или академски обмен. Важно е да се знае дека визата има ограничен рок на престој и специфични обврски за учесниците.

1 чекор: Аплицирање за J-1 виза од Македонија

Основни чекори:

  • Прием на DS-2019 документ од овластена организација или училиште
  • Организацијата во САД (училиште, компанија или агенција за размена) ќе ви испрати DS-2019.
  • Овој документ е основен за апликација за J-1 виза.
  • Пополнување на DS-160 формулар онлајн
  • Се внесуваат лични податоци, информации за програмата, образование и финансии.
  • Печатење на confirmation page за интервју.
  • Плаќање на SEVIS такса (I-901 fee)
  • SEVIS таксата е задолжителна (околу 220 USD, варира според програмата).
  • Потврда за уплата се носи на интервју.
  • Плаќање на такса за апликација за виза
  • Таксата е околу 185 USD.
  • Закажување интервју во Американската амбасада во Скопје
  • Потребна е потврда за уплата, DS-160 confirmation и DS-2019 документ.

2 чекор: Документи за интервју

  • Пасош (важечки најмалку 6 месеци).
  • DS-160 confirmation page.
  • DS-2019 документ.
  • Потврда за SEVIS I-901 уплата.
  • Докази за финансии (банкарски извештаи, стипендии, гаранции од роднини).
  • Докази за врски со Македонија (семејство, имот, работа) кои покажуваат намера да се вратите по завршување на програмата.
  • Две фотографии според американски стандарди (5x5 см).

3 чекор: Интервју во Американската амбасада

Често поставувани прашања од консулот: 

  • Зошто сте избрале таа програма.
  • Како ќе ја финансирате програмата и животот во САД.
  • Планови по завршување на програмата.
  • Ако е одобрена, визата се печати во пасошот во рок од неколку дена.

4 чекор: Патување во Америка

  • На аеродром во Македонија и при пристигнување во САД, службеникот на CBP проверува пасош, визата и DS-2019.
  • Се добива I-94 електронски запис со датум до кој е дозволено да останете.
  • J-1 учесници може да влезат до 30 дена пред почеток на програмата.

5 чекор: Работа и обврски на J-1 визата

  • Работата е ограничена само на работни позиции поврзани со програмата (на кампус, во компанија или стаж).
  • Превработување или работа надвор од програмата не е дозволена.
  • Учесниците мора да ја почитуваат наставната или работната програма, како и роковите на престој.

6 чекор: По пристигнување во САД

  • Проверка на адресата во SEVIS системот.
  • При регистрација во програмата или кај училиштето/организацијата.
  • Со J-1 визата може да се аплицира за Social Security Number (SSN) само ако е дозволена работа.
  • Чување на сите документи: пасош, DS-2019, I-94, финансиски документи.

7 чекор: Завршување на програмата

  • По завршување на програмата, учесниците мора да се вратат во Македонија.
  • Некои J-1 визи имаат и двегодишна home residency requirement, што значи дека учесникот мора да се врати во својата земја за најмалку 2 години пред да аплицира за одредени други визи во САД.

Помош и совети за полагање при доаѓање во Америка – возачка дозвола за кола и CDL за камион.

Возачката дозвола во САД е важен документ за легално возење и за професионални можности. Процесот зависи од државата каде ќе се регистрирате, но генерално следи слични чекори.

1: Полагање за возачка дозвола за патничко возило (Class D)

  • Во секоја држава, Department of Motor Vehicles (DMV) е одговорен за издавање возачки дозволи.
  • Локалниот DMV канцеларија може да се најде онлајн со пребарување: “вашиот стејт, DMV locations”.

Документи потребни:

  • Пасош или друга важечка форма на идентификација.
  • Доказ за легален престој во САД (Green Card, визата F-1/J-1, туристичка виза не дозволува долгорочно возење).
  • Social Security Number (SSN) или писмен доказ од Social Security Administration дека не сте квалификувани за SSN.
  • Доказ за адреса во државата (најмалку 2 документи: сметка за струја, вода, договор за кирија, банкарска сметка).
  • Пополнет DMV апликациски формулар (се добива во канцеларија или онлајн).

Процесот:

  • Писмен тест: познавање на сообраќајните правила, обично 25–50 прашања.
  • Проверка на видот.
  • Learner’s permit: ако тестот е положен, се добива дозвола за учење. Може да се вози со придружник (fully licensed driver).
  • Издавање на возачка дозвола Class D.

Време:

  • Подготовка за тест: 1–4 недели, во зависност од пракса и познавање на сообраќајот.
  • Цел процес (тест + практичен): 2–6 недели.

2: Полагање за камион – Commercial Driver’s License (CDL)

CDL е потребна за возење на тешки камиони и комерцијални возила.

Каде да се обратите:

  • Локалниот DMV, обично во оддел за комерцијални возачки лиценци.
  • Некои држави имаат CDL training центри кои нудат обука и помош за тестирање.

Документи потребни:

  • Пасош или легален документ за престој (Green Card, F-1/J-1 со дозвола за работа или OPT, не тур. виза).
  • Social Security Number (SSN).
  • Возачка дозвола Class D (основна возачка дозвола).
  • Доказ за адреса во државата.
  • Пополнет CDL апликациски формулар.

Процесот:

  • Knowledge тест: се проверуваат сообраќајни правила, безбедност и типови на комерцијални возила.
  • Medical Certificate: потврда од лекар за способност за возење тешко возило.
  • Learner’s CDL permit: се добива по положување на писмениот тест.
  • Training / практична пракса: во зависност од програмата, од неколку недели до 2–3 месеци.
  • Road skills test (практичен тест): вклучува pre-trip inspection, basic control skills, on-road driving.
  • CDL издавање: по успешно положен практичен тест.

Време:

  • Зависи од подготовката и програмата, обично 4–12 недели од почеток на обуката до издавање на CDL.

3. Совети и важни информации

  • Секогаш проверете на онлајн страната на локалниот DMV за конкретни документи и термин за тестирање.
  • На почеток, полагање за Class D е задолжително пред CDL.
  • За CDL, може да се бара и одредена возраст (обично 21+ години за interstate driving).
  • Препорачливо е да се запишете во обука за CDL за полесно и побезбедно полагање.
  • Сите документи треба да бидат оригинали или официјално заверени.

Како да го извадите македонски пасош во САД

Каде да се обратите:

За граѓаните кои живеат во САД, процесот се одвива преку Конзулатот на Република Македонија. Секој конзулат има јасно утврдени процедури за аплицирање за пасош. Прво, контактирајте го конзулатот кој е најблизу до вашиот град. 

Пример: Ако живеете во Чикаго, треба да се јавите во Конзулатот на РМ во Чикаго. 

Сите контакт информации (адреса, телефон, е-маил) може да се најдат на официјалната веб-страница на Министерството за надворешни работи на Република Македонија. 

Документи што се потребни:

  • Пополнет образец за пасош, го добивате од конзулатот или преку нивната веб-страница.
  • Доказ за македонско државјанство, најчесто тоа е лична карта или претходен пасош.
  • Свидетелство за раѓање , оригинал или заверена копија на нотар.
  • Документ за идентификација ,на пример возачка дозвола од САД.
  • Фотографии за пасош ,стандарден формат (обично 2-4 фотографии, нови и во боја).
  • Потврда за уплата на такса , таксите варираат според видот и важноста на пасошот.

Важно:

Проверете дали имате ажурирани податоци и дали сите документи се заверени, бидејќи нецелосната документација може да го одложи процесот. 

Чекори за аплицирање:

  • Закажете термин преку конзулатот или е-маил.
  • Пополнете го формуларот и соберете ги сите потребни документи.
  • Лично поднесете ги документите на конзулатот.
  • Платете ја соодветната такса.
  • Чекајте ја обработката ,обично од 4 до 8 недели, зависно од сезоната и оптовареноста на конзулатот.

Времетраење:

  • Пасошот се издава во рок од 4 до 8 недели, а во некои случаи може да биде побрзо или побавно.
  • Конзулатот ќе ве информира кога вашиот пасош е подготвен за подигање.

Како да се пренесе починато тело од САД до Македонија

Прво место за контакт:

Првиот чекор е контакт со локалниот конзулат на Република Македонија. Конзулатот е овластен да обезбеди инструкции, документи и контакти со компании за меѓународен транспорт на починати лица.

Во САД, секој конзулат има специфичен контакт: Чикаго, Њујорк, Лос Анџелес, Мајами, итн. 

Контакт информациите може да се најдат на официјалната веб-страница на Министерството за надворешни работи на Република Македонија. 

Документи кои се потребни:

За меѓународен транспорт на починато тело ќе ви бидат потребни:

  • Смртниот лист (Death Certificate) – издаден од болница или надлежна институција во САД.
  • Документ за идентификација на починатото лице – пасош или лична карта.
  • Лекарска потврда или извештај за причината на смртта – обично издаден од болница или патолошка служба.
  • Документ за дозвола за транспорт на починатото лице (Consular Mortuary Certificate / Authorization for Transport) – издаден од конзулатот на Македонија.
  • Договор со специјализирана транспортна компанија за репатријација на починати лица – овие компании се грижат за подготовка на телото, урни, ковчези и авионски транспорт.
  • Такси и осигурување – се плаќа според компанијата и видот на транспортот.

Такси и осигурување – се плаќа според компанијата и видот на транспортот.

Чекори за организација

  • Контактирајте го локалниот конзулат на РМ за консултација и за добивање на список на одобрени транспортни компании.
  • Пригответе ги сите документи: смртен лист, идентификација, медицински извештај.
  • Изберете сертифицирана компанија за транспорт на починати лица. Компанијата ќе ви помогне да ги пополните сите формулари и да обезбеди ковчег според меѓународните стандарди.
  • Конзулатот ќе издаде дозвола за транспорт и ќе го координира со македонските власти.
  • Телото се транспортира до Македонија и се прима од надлежните институции, за понатамошна погребна церемонија.

Времетраење

  • Подготовката и обезбедувањето на сите документи обично трае од 7 до 14 работни дена, зависно од брзината на болницата, транспортната компанија и конзулатот.
  • Итните случаи можат да се обработат побрзо, со дополнителни трошоци за брзина и авионски превоз.