Виолинистката Сања Здјелар специјално допатува од Македонија за свечено изведување на македонската химна на MASO CUP 2026 во Австралија.
Македонската виолинистка Сања Здјелар настапи на свеченото отворање на MASO CUP 2026 во Австралија, каде што на виолина ја изведе македонската химна пред бројна публика и претставници на македонската дијаспора.
Здјелар специјално допатува од Македонија со цел преку музиката да ја претстави македонската култура и традиција на меѓународна сцена. Нејзиниот настап беше еден од највпечатливите моменти на отворањето, кое покрај спортски содржини вклучуваше и богата културна програма.
Со својот настап, Сања Здјелар испрати порака на единство, гордост и културна поврзаност меѓу Македонците ширум светот. Организаторите ја нарекоа нејзината изведба еден од централните и најемоционални моменти на свеченоста.
„Оваа можност не би била реалност без поддршката и посветеноста на моите менаџери, Лаз и Лиз Наумоски, на кои им изразувам огромна благодарност“, истакна Сања, додавајќи дека нивната организација и доверба биле клучни за овој настап.