83 ГОДИНИ ОД МАСАКРОТ ВО ВАТАША – РАНА ШТО МАКЕДОНИЈА НЕ ЈА ЗАБОРАВА

На 16 јуни 1943 година, во едно од најтрагичните поглавја од македонската историја, дванаесет млади момчиња од Ваташа беа сурово стрелани од страна на бугарскиот фашистичкиот окупатор.  Нивниот единствен „грев“ беше љубовта кон слободата, стремежот кон правда и вербата во иднината на својот народ.

Тој крвав јунски ден засекогаш остана врежан во колективната меморија на Македонија како симбол на страдањето, но и на непокорот на македонскиот народ. Ваташките младинци биле изведени пред стрелачки вод и безмилосно егзекутирани, оставајќи зад себе семејства, соништа и младост која никогаш немаше можност да созрее.

Според сведоштвата што се пренесуваат низ генерациите, непосредно пред да бидат стрелани одекнале зборовите што и денес се симбол на непокорот и отпорот:

„Пукајте, кучиња, идејата нема да умре!“

Оваа порака останува жив сведок дека силата на идејата за слобода е поголема од секој куршум и секоја репресија. Иако нивните животи биле прекинати во најубавите години, нивната жртва продолжува да живее како потсетник дека слободата никогаш не била подарок, туку избор платен со големи жртви.

Осумдесет и три години подоцна, Македонија со почит и достоинство се поклонува пред споменот на ваташките младинци. Нивните имиња остануваат запишани во историјата како пример за храброст, пожртвуваност и безусловна љубов кон татковината.

Нека нивната жртва биде вечен потсетник за цената на слободата и обврска никогаш да не се заборави вистината за оние кои својата младост ја положија на олтарот на Македонија.

Вечна слава на ваташките младинци!